🔴 Codecs ගැන තේරෙන සිංහලෙන් 🔴

Film හෝ TV series ⁣එකක හොඳ කොපි එකක් Download කරන්න කලින් ⁣ගොඩක් දෙනෙක් බලන්නෙ ඒ ඒ කොපි එකේ "Rip" එක. ඒ කිව්වෙ CamRip/HdRip/WebRip/BrRip වගෙ. ඒත් නැත්තම් 720p ද, නැතිනම් 1080p ද, 2160p (4K) ද කියලා. 

ඒ වගේම කොපි එකේ සයිස් එක වැඩි නම්, ඒක quality වැඩි කියලා තමයි ගොඩක් දෙනෙක් දන්නෙ. ඒකෙ ඇත්තක් වගෙම පොඩි නිවැරදි කිරීමකුත් කරන්ඩ ඕනෙ. 

එ⁣තකොට තමයි මේ "H.264, H.265" සහා අලුතින්ම ආපු "H.266" codecs ගැන කියවෙන්නෙ. එහෙනම් බලමු තේරෙන සිංහලෙන් ඒ ගැන...

අලුතින් නිකුත් වුනු "H.266VVC" කියන්නෙ මොකද්ද කියලා දැනගන්ඩ කලින් බලමු මොකද්ද මේ වීඩියෝ coding කියන්නෙ, මොනවද මේ H.264, H.265 කියන්නෙ කියලා..

📽️ මොකද්ද මේ Video Codec එකක් කියන්නේ?

_______________________________________________ 

                      අපි හැමෝම දන්නවා Video එකක් කියන්න වේගයෙන් චලනය වන ඡායාරූප වල එකතුවක්. ඒකට තත්පරයක් ඇතුලත ග්‍රහනය වන ජායාරූප ගණන වැදගත් වෙනවා. ඒ කියන්නෙ Frame Rate එක. සාමාන්‍යයෙන් කැමරාවක තත්පරයකට Frames, නැතිනම් Photos 20ක්, 30ක් ග්‍රහනය වෙනවා. FPS කියලා හඳුන්වන්නෙ ඒක තමයි.(Frame per second).ඒ Photos ප්‍රමාණය RAW Video file එකක තමයි ගබඩා වෙන්නෙ. අපිට ඒ අගය වැඩි කරන්ඩ පුලුවන් Manually.

                      අපි හිතමු කැමරාවකින් අපි 1080p Resolution එකට රූපගත කරද්දි, තත්පරයකට Frames, නැතිනම් photos 20ක් වදිනවා කියලා. ඒහෙම උනාම සාමාන්‍යයෙන් තත්පරයක් වීඩියෝවක ප්‍රමාණය 150-180mb අතර ආසන්න අගයක් ගන්නවා. (අපේ සාමාන්‍ය phone එකකින් Video කිරීමක් ගැන නෙවෙයි මේ කියන්නෙ. වෘත්තීමය කැමරාවක් ගැන ගත්තොත්) එවිට පැය දෙකක Film එකක Size එක 1TB නෙවෙයි, 1PB වෙන්ඩත් පුලුවන්.. ඔන්න ඔය ප්‍රශ්නයත් එක්ක තමයි මේ "Video Encoding" ක්‍රමය නැතිනම් විකේතන ක්‍රමය එලියට එන්නෙ..

📽️ Video Encoding කිරීමේ දි මොකද්ද වෙන්නෙ?

________________________________________________

                       Encoding කියන්නෙ විකේතනය කිරීමක්. මේකෙදි වෙන්නෙ අපි අර ඉස්සරල කියපු විදිහට විශාල ප්‍රමාණයක් ගන්නා වීඩියෝ එකක ප්‍රමාණය අඩු කිරීමයි. ඒ කියන්නෙ Video එකේ කොටස් අඩු කිරීම නෙවෙයි. 😉 මේ ක්‍රියාවලියට යොදාගන්න ක්‍රමවේදය තමයි මේ "Codec" එක කියන්නෙ. Compression (සම්පිණ්ඩනය) සහා Decompression (අසම්පිණ්ඩනය) කියන වචන දෙක එකතු වෙලා තමයි මේ Codec කියන වචනය සහා ක්‍රමවේදය හැදිලා තියෙන්නෙ.. ඒ ක්‍රියාවලිය වෙන ආකාරය සරලව කෙටියෙන් කියන්නම්.

                        අපි ඉස්සරලා කිව්වා වගේ, Raw file එකක තත්පරයකට ග්‍රහණයවන photos ගණන Scan කිරීමක්, Analyze කිරීමක් තමයි මෙහෙදි සිද්දවෙන්නෙ. එහෙම scan කරලා එක එක එකකට හැම අතින්ම 90% ක් පමණ සර්ව සම Photos තියෙනවනම් මෙතනදි අයින් කිරීමක් වෙනවා. ඒකෙන් තමයි මේ ප්‍රමාණයෙන වැඩි අගයක් ගන්නා වීඩියෝවක ප්‍රමාණය අඩු වෙන්නෙ. තවත් විදිහකට කියනවනම් අපි දෙයක් Video කරද්දි එකින් එක Raw files Encode (ආකේතනය) කරලා, වීඩියෝ එක බලනකොඩ Decode (විකේතනය) කිරීම තමයි සිද්ද වෙන්නෙ. මේකෙදි අර ඉස්සරලා කියපු විදිහට Raw file එකක 90% සර්ව සම Frames අයින් උනා කියලා වෙනසක්, වීඩියෝ එකේ කොටස් වල අඩුවක් වෙන්නෙ නෑ.

➡️ මොනවද මේ Codecs වර්ග? 

____________________________________________________

                       මේ වෙනකොට නමින් එකිනෙකට වෙනස් codec වර්ගයන් ගණනාවක් තියෙනවා. නම් වෙනස් උනත් ඒ එක එකකින් වෙන්නෙ එකම දේ තමයි. Coding වන ක්‍රමවේද වල සුලු සුලු වෙනස්කම් සහා ඒ සඳහා යොදාගන්නා Algorithm එකේ වෙනස්කම් තමයි මේ එක එකක සුලු වශයෙන් තියෙන්නෙ. 

                        ▶️ Xvid

                        ▶️ DivX

                        ▶️ Libvpx

                        ▶️ WMA

                        ▶️ H.264 MPEG-4.AVC

                        ▶️ H.265 HEVC

                  මේවා codecs ගැන ගොඩ දෙනෙක් අහලා ඇති. මේ අතරින් වැඩි ප්‍රමාණයක් දැනට භාවිත වෙන්නෙ H.264/MPEG-4.AVC (MPEG - Motion Picture Experts Group) සහා H.265.HEVC යන Codec ක්‍රමයන් තමයි. අනිත් Codec ක්‍රමයන් භාවිතා වේන් නැති තරම්.. මොකද්ද මේ 264 සහා 265?

⚠️️ H.264/MPEG-4.AVC - (Advanced Video coding)

____________________________________________________

           2003 වසරේදි හඳුන්වාදුන්, දැනට වැඩිම ප්‍රමාණයකට යොදාගන්නා Codec එකක් තමයි මේ H264 කියන්නෙ. ⁣මේ Coding ක්‍රමය වැඩි දියුණු කරන්ඩ දායක වෙලා තියෙන්නෙ Panasonic, LG සහා GODO Kaisha කියන ආයතනයන්.

BluRay පිටපත් සඳහා වැඩි ලෙසම භාවිතා කරන්නෙ මේ H264 ක්‍රමවේදය. ඒ වගේම YouTube, Netflix Live Stream කරන ආයතන, සහා itune store පවා යොදාගන්නෙ මේ 264 Codec ක්‍රමය.නමුත් H.265 Codec ක්‍රමවේදයට වඩා මෙමගින් නිකුත් වන Video පිටපත් වල ප්‍රමාණය, size එක වැඩයි.. ඒ වගේම යොදාගන්නා තාක්ෂණයෙන් ටිකක් අඩුයි. 

⚠️️ H.265.HEVC - (High efficiency Video Coding)

___________________________________________________

                2013 වසරේ නිකුත් කළ මේ ක්‍රමවේදය 264 codec එකට වඩා ගොඩක් දියුණු, Advance තාක්ෂණයක් තමයි තියෙන්නෙ.. දැනට තියන හොඳම Coding එක කිව්වොත් නිවැරදී.. ඒ වගේම Video සහා Sounds Quality එක පවා 264 Codec එකට වඩා ගුණාත්මක බවින් වැඩි... නමුත් 264 Codec එකට සාපේක්ෂ බලද්දි මේ හරහා නිකුත් වන Videos වල ප්‍රමාණය ගොඩක් අඩුයි,උදාහරණයක් විදිහට ගත්තොත්,

▶️ H264/MPEG-4.AVC Video Resolutions වල සාමාන්‍ය අගයන්

            ➡️ H264.720p --> 700mb - 1.2gb අතරද,

            ➡️ H264.1080p --> 1.2gb - 3gb අතර ද

            

▶️ H265/HEVC Video Resolutions වල සාමාන්‍ය අගයන්

                  

                   ➡️ H265.720p --> 350mb - 650mb 

                   ➡️ H265.1080p --> 800mb - 1.5gb 

                     අතර ප්‍රමාණයන් තමයි ගන්නෙ. පැහැදිලි ලොකු පරතරයක Sizes අඩු වීමක් තියනවා. ඇයි එහෙම වෙන්නෙ? ඒකට හේතුව තමයි, මේ Codec එකේදි එක එකක Raw files වල තියන Photos වලින් 90%ක් විතර මෙහිදි අයින් කිරීමක් සිදුවෙනවා. එකිනෙකට 90%ක් සර්ව සම ඒවා නෙවෙයි. Raw file එකේ තියන Frames වලින් 90%ක්.. ඉතිරි 10% photos නැතිනම් frames වලින් තමයි Video එක නිර්මාණය වෙන්නෙ. ඒ කියන්නෙ 264 codec එකට වඩා 50% කටත් අඩු size එකක වගේ video තමයි මුදා හැරෙන්නෙ. එතකොට හැමෝම හිතයි මේ format එකෙන් release වෙන Films, Series වල කොටස් අඩු ඇති, Quality අඩු ඇති කියලා. නෑ, කොහෙත්ම නෑ.. කිසිම අඩුවක් වෙන්නෙ නෑ.

                     265 Codec එකෙන් මුදාහැරෙන Films, Tv series සාමාන්‍ය Monitors වල, Tv වල, DVD Plyers වගේම ගොඩක් Midrange සහා Low budget Phones වල නැරඹීමේ හැකියාව සීමා සහිතයි. ඒකට හේතුව තමයි මේ Codec එකේදි මං ඉස්සරලා කිව්වා වගේ Raw file එකක තියන photos වලින් 90% අයින් කරලා, ඉතිරි 10% මගින් මේ සිදු කරන වැඩ කන්දරාව හින්දා ඒ සඳහා Phone එකේ හෝ Lap එකේ හෝ Tv එකේදි, software එකට අමතරව CPU, Ram, Chipset, Monitor එකේ Resolution එක වගේ Hardware උපාංග වල දායනත්වයත් අවශ්‍ය වෙනවා.. නමුත් 264 codec වලදි ඒ ආකාරයෙන් ලොකු ක්‍රියාවලියක් වෙන්නෙ නෑ. ඒකයි ඕනෙම Device එකක ඒ H264 codec format එකෙන් බලන්ඩ පුලුවන් වෙන්නෙ.

                     ගොඩක්ම Midrange සහා Low budget Phones වල මේ 265 Format එකේ Films, Series බලද්දි phone එක ලැග් වෙන්ඩ, බැටරි ඉක්මනට අඩු වෙන්ඩ වගේම Heat එක වැඩි වෙන්නෙත් ඒ නිසයි.. ඒක පොඩි අවාසියක්. නමුත් යම් තරමක හොඳ තත්වයේ phone එකක්, Pc එකක් තියනවනම් ගොඩක්ම හොඳ වෙන්නෙ මේ H265 Format එකෙන් නිකුත් ⁣වෙන Video Copies download කරන එකම තමයි. 

                     බහුතර කැමැත්ත කොහොම උනත්, පෞද්ගලිකව මම Film/Tv series ගන්නකොට ඉස්සරලම බලන්නෙ Codec Format එක. Quality එක හොඳයි වගේම වැඩි Data ප්‍රමාණයක් නාස්ති නොකර හොඳම තත්වයේ Video පිටපත් Download කරන්ඩ ඒ හින්දා පුලුවන් වෙනවා.. Pahe.in, Psarips වගේ sites වල ගොඩක්ම නිකුත්වෙන්නෙ මේ H265 Format එකෙන්. ඒ හින්දා කියන්ඩ ඕනෙ, පුලුවන් හැම වෙලාවකම Film/ Tv series Download කරන්ඩ බලද්දි කිසි හෙවිල්ලක් නැතිව GB ගණන් දිලා ඩේටා නාස්ති කරගෙන ඒවා බාන් නැතිව, මේ ගැනත් දැනගෙන්, Data ටිකත් ඉතුරු කරගෙන, හොඳම තත්වයේ Video Copies Download කරන්ඩ Try කරන්ඩ.

                     

ඔන්න ඕක තමයි සරළව Video Coding වල කතාව සහා හොඳ තත්වයේ Video Copy එකක් හොයාගන්න විදිහ. නොදන්න අයට මොකද්ද මේ Video Encoding කියන්නේ, මොකද්ද H264, H265 අතර වෙනස,මොකද්ද හොඳම Quality එකෙන් නිකුත් වෙන්නේ, ඇයි අපි ඒ ගැන බලලා Films/Series Download කරන්ඩ ඕනෙ කියලා පොඩි හරි අදහසක් ඇති කියලා හිතෙනවා..  

දැන් මේ කියන්න හදන්නෙ අලුතින්ම නිකුත් වුණ "H.266VCC" codec එක ගැන.. 

⚠️️ H.266 (VVC)/MPEG-1 part 3 - (Versatile Video Coding) 

____________________________________________________

       Films, Tv series බලන ඕනෙ කෙනෙක් අහලා ඇතිනෙ H.264 AVC වගේම H.265 HEVC codec ගැන. අඩුම size එකකින් වගේම වැඩිම quality එකකින් Film එකක් Tv series එකක් download කරගන්ඩ නම් අපි ගොඩක්ම Use කරන්නෙ H.265 HEVC format එක. මේ codec එක රිලීස් උනේ 2013. ඒ වගේම මෑතක් වෙනකම්ම අලුත්ම කොඩෙක් එක වුණේ මේ H.265 HEVC එක.. ඔන්න දැන් තව අලුත්ම Codec එකක් නිකුත් වෙලා කියනවා. ඒ තමයි "H.266 VVC" ♥️🔥

➡️ මොකද්ද මේ "H.266VVC codec" එක කියන්නෙ..?

____________________________________________________

               H.261, H.262, H.263, H.264AVC විදිහට පියවරෙන් පියවර වැඩිදියුණු වුණු Video කේතන ක්‍රමය, 2013 දී H.265HEVC codec එක හඳුන්වාදීමත් එක්ක තවත් උච්ච තැනකට පැමිණුනා. H.265HEVC codec එක නිසාවෙන් අපිට අඩුම සයිස් එකකින්, වැඩි quality එකක් ඇති videos download කරගන්ඩ පුලුවන් උනා වගේම, එදා ඉඳන්ම බොහෝමයක් පර්යේෂකයන් විසින් මීටත් අඩු ප්‍රමාණයක, වැඩි ගුණාත්මක බවක Video codec ක්‍රමයක් හඳුන්වා දෙන්න උත්සුක වෙලා තියනවා. මේ අනුව "JVET " නැතිනම් "Joint Video Experts Team" ආයතනය විසින් 2017 ඔක්තෝබර් මාසයේ මේ නවතම H.266 codec එක නිර්මාණයට යෝජනාවට අතගහනවා. ඒ තවත් ආයතන කිහිපයක් එක්ක. මේ අනුව ඔවුන් 2018 අප්‍රේල් මාසය වන විට පළමු සටහන සමීක්ෂණ සහිතව ඉදිරිපත් කරනවා. ඔන්න ඔහොම අවුරුදු 3ක විශාල මහන්සියකින් පසුව, ඒ කියන්නෙ "2020 ජූලි 6" වෙනිදා "H.266VVC" වීඩියෝ කේත ක්‍රමය ලෝකයට නිකුත් වෙන්නෙ විශාල පෙරළියක් එක්කයි.. මේ සඳහා වැඩිම දායකත්වයක් දීලා තියෙන්නෙ " The Fraunhofer Heinrich Hertz" කියන ජර්මන් ආයතනය මගින්. මේක electrical engineering සහා පරිගණක විද්‍යාව ගැන ගොඩක් research කරන ආයතනයක්.. 

               මේ H.266VVC codec එක ගැන කියන විදිහට තියන ලොකුම වාසිය තමයි දැනට තියන හොඳම quality එකක Videos, ඉතාමත් අඩු size එකකින් අපිට ලබාගන්ඩ පුලුවන් වීම. බොහෝ දෙනෙක් බලාපොරොත්තු වෙන්නෙ මේ දේ තමයි. 

උදාහරණයක් විදිහට අපි හිතමු H.264 format එකේ 4K resolution video එකක් 10GB කියලා, අපිට ඒ වීඩියෝ එක H.265 HEVC format එකෙන් download කරගන්ඩ පුලුවන්⁣ 5GB විතර data වැය කරලා.. හැබැයි මේ අලුත්ම H.266VVC codec එකෙන් අපිට ඒ 4K තත්වයේ Film එක "2.5GB" තරම් ඉතාමත් අඩු data size එකකින් download කරගන්ඩ පුලුවන්. එහෙම උනා කියන්නෙ 1080p එකක් අපිට 1GB වලට අඩුවෙන් download කරගන්ඩ පුලුවන් වෙයි.. ඒ කියන්නෙ H.265 ට වඩා හරියටම අඩක් අඩුවෙන් Film copy එකේ size එක අඩු වීමක්.. මීට වඩා තවත් මොනවද.. ♥️🔥🔥 ඒ වගේම 265HEvc format එකට වඩා ඉතාමත් ඉහල quality එකක video copy එකක් තමයි මේ කේතනය මගින් අපිට ලැබෙන්නෙ.. මීට අමතරව UHD quality video එකක් ගත්තම, H.265HEVC වලට සාපේක්ෂව බලද්දි, H.266VVC codec format වලදි bite rates saving අගය 36% ක විශාල ගණනක් ඉතිරියක් පෙන්වනවා. 

               

               Fraunhofer ආයතන කියන විදිහට ඔවුන් මේ codec එක ප්‍රධානම තැනක් විදිහට ඉලක්ක කරගෙන ඉන්නෙ 360 වීඩියො සහා 4K සහා 8K (HDR+) streaming service වලට. ඒ කියන්නෙ අපි දන්න කියන Netflix, AppleTv, Amazon වගේ streaming service වලට..ඒ හැම වීඩියෝ පිටපතක්ම පාහේ 10Bit තත්වයේ වර්ණ සංකලනයකින් හෙබි ගුණාත්මක රූපරාමු. අපිට ඉදිරියේදි මේ streaming service වලින් මේ අලුත්ම codec එකේ tv series බලාගන්ඩ පුලුවන් වෙයි. Netflix මේ සම්බන්ධයෙන් දැනටමත් වැඩකටයුතු කරගෙන යනවා කියලා තමයි කියන්නෙ. Video quality එක වගේම internet speed එක, පවා ගුණාත්මක, වැඩි දියුණු වේවි ඉදිරියට.

                ඒ වගේම ඉතින් අපිට මේ quality එකෙන් films, tv series බලන්ඩ 4K, 8K වගේ Tv එකක්, screen එකක් ඕනෙ වෙනවා. නමුත් Smart Phone වලදි display quality එකට වඩා Soc (System on chip), ඒ කියන්නෙ snapdragon, exynos, Kirin වගේ chipset එක මත පදනම් වෙයි කියලා තමයි කියවෙන්නෙ.. 

                ඇමරිකාව, යුරෝපය චීනය වගේ රටවල් දැනටමත් 8K screen වලට තාක්ෂණය හරවාගෙන යන ගමන් ඉන්න කාලයක අපේ රටේ තාමත් එහෙන් මෙහෙන් 4K පැනල්ස්, Tv දැක්කත්, තාම Tv චැනල් අපිට දෙන්නෙ 720p format එකෙන් තමයි ගොඩක් දුරට. 😁අපේ තාම teledrama HD විදිහට shot කලත්, Telcast වෙන්නෙ SD ( Standard definition) වගේ අඩුම තත්වෙන්. HD නැතිනම් High definition තත්වයෙන් telecast කිරීමේ පියවරක් විදිහට තමයි "නෙළුම් කුලුණ" හදන එකේ එක් ප්‍රධාන කාර්‍යයක් වෙලා තියෙන්නෙ. ලෝකෙ 8K වලට යද්දි, අපි තාම SD වල ඉඳන් HD වලට යන්ඩ දඟලනවා. 😑 ඒ කියන්නෙ අපිට මේ 4K, 8K Screen එකකින් H.266 codec එකේ හොඳම quality එකෙන් netflix හරි මොනවා හරි streaming කරන්න සෑහෙන කාලයක් යයි.. ⁣

                ලෝකයේම ගත්තත් 8K Tv භාවිතා කිරීමේ වේගය මන්දගාමී වෙලා තියනවා කියලා තමයි සමික්ෂණයන් වලින් කියවෙන්නෙ. 2018 දී කරපු විශ්ලේෂණයන්ට අනුව 2023 වෙද්දි සමස්ථ වෙළදපොළ පරිභෝජනයෙන් 3%ක් පමණ මේ 8K රූපවාහිනි වලට නැඹුරුවෙයි කියලා කියනවා. නමුත් 4K තාක්ෂණය මීට වඩා ශීඝ්‍රයෙන් ලෝකයේ වරධනය වෙලා තියනවා.

➡️ අපිට Phone එකෙන් H.266VVC codec එකේ Video බලන්න බැරි වෙයිද...?

_____________________________________________________

                   ඒක මෙහෙමයි. අපිට මතකයිනෙ H.264AVC format එකෙන් එන videos ඕනෙම phone එකක වගේ බලන්ඩ පුලුවන් උනාට, H.265 format Video ඒ වගේ හැම phone එකකම, හැම Monitor එකකින්ම බලන්ඩ අමාරුයි.. ඒකට Phone එකක, Computer එකක Hardware features වල අවශ්‍යතාවය ගොඩක්ම වැදගත් වුණා. Computer වල පවා තාමත් 1080p.10bit.6CH.265 quality එකේ film එකක් play කරන්ඩ අමාරු වෙලාවල් තියනවා. ඒකට Monitor එකේ Resolution එකත් බලපානවා. Tv ගත්තත් තාම අපිට 265 codec එකේන් බලන්ඩ පලුවන් වෙන්නෙ SmartTv, 4K.UHD Tv වල විතරයි. නැත්තම් මොකක් හෝ converter එකක් (format factory හරි මොනවා හරි) එකක් අරගෙන ඒක හරහා 264AVC වලට convert කරලාම තමයි බලන්ඩ වෙන්නෙ.

                     LowEnd smarts phones වල, අඩු Ram ධාරිතාවකින්, Chipset එක අඩු මට්ටමකින් තියනකොට H.265 format video play වෙන්ඩ ටිකක් අමාරුයි. ලැග් වෙනවා හීට් වෙනවා සමහර වෙලාවට OFF වෙන වෙලාවල් පවා බලාගන්ඩ පුලුවන්. ඒ හින්දා ටිකක් හොඳ තත්වයේ hardwares තියන phones වල තමයි ඒ H.265 codec video play උනෙ.

                    ඉතින් ඒ වගේම මේ අලුත්ම H.266VVC codec එකටත් අන්න ඒ වගේ ප්‍රශ්නයක් තියනවා. H.265 codec එක නිකුත් වෙන්නෙ 2013 හින්දා ඊට පස්සෙ ආපු ගොඩක් phones, video cameras, Computers වගේ හැම දේකම Hardware features හැදුවේ මේ H 265 codec එකට හරියන විදිහට. ඒත් මේ අලුත්ම codec එක මේ අවුරුද්ද දැන් දින කිපයකට කලින් නිකුත් වීම හින්දා දැනට තියන video cameras, phones, Tv, Computers මොනම දේකටවත් මේ H.266VVC codec එක support කරන්නෙ නෑ.. ලක්ෂ ගණන් තියන phones පවා මේ codec එකට තාම බයයි.. තාම බඩු අලුත්. ඉතින් මේ cameras, phones, computers වල hardwares හදන ආයතන දැනුම් දීලා තියනවා 2021 ඉඳන් මේ H.266 VVC codec format එකෙන් video play වෙන chipsets, නැතිනම් processors ඒ ආයතන විසින් නිකුත් කරනවා කියලා. ඔවුන් ඒ වැඩේට දැනටමත් අතගහලා තියනවා කියලා තමයි කියන්නෙ.තාම නම් මේ අලුත් codec එකෙන් films copies එන් නැති වෙයි. ඒත් ආවොත් අපේ දැන තියන හොඳම Computer එකේ හෝ Phone එකේ බලන්ඩ පලුවන් තත්වයක් නෙවෙයි තියෙන්නෙ. මොකද මේ codec එක software update එකක් හරහා අපිට ලබාගන්ඩ කෙහෙත්ම බරි හින්දා.

                    ඒ වගේම තව පොඩි දෙයක් තියේ. H.265 වගේ නෙවෙයි, මේ අලුත් codec එක යම් ආයතනයක් තමන්ගෙ hardwares වලට යොදාගන්නවනම්, ඒකට බලපත්‍ර ගාස්තුවක් ගෙවීමට සිදුවෙනවා. ඉතින් මේ බලපත්‍ර ලබාගන්න තියන තරඟය සහා, ඒ එක්කම එන පොඩි පොඩි ගැටලු නිරාකරණය කරගන්නට "මාධ්‍ය කේතන කර්මාන්ත සංසදයක්" (MC-IF) කියලා කණ්ඩායමක් දැනටමත් වැඩ පටන් අරන් තියෙන්නෙ. ඒ වගේම මේ H.266VCC පේටන්ට් සංචිතයේ පරිපාලන අයිතිය ගන්ඩ ආයතන 4ක් මේ වන විට කරට කර තරඟයක යෙදෙනවා කියලා කියනවා..

ඉතින් ඔන්න ඕක තමයි H.266VVC codec එකේ කතාව.. මේ ගැන දැනගන්ඩ ගොඩක් අය බලාගෙන ඉන්න ඇති කියලා හිතලා තමයි පට පට ගාලා අපිට දැනගන්න ඕනෙ කරුණු ටිකක් හොයාගෙන ඉක්මනටම මෙහෙම අරන් ආවේ..

එහෙනම් PsaRips පැත්තෙ ගිහින් H.265 format එකෙන් films, series download කලා වගේ තව නොබෝ දිනකින් එන මේ අලුත්ම Quality එකටත් ලෑස්ති වෙමු.. 

720p, 480p quality එකෙන් films, series බලපු ගොඩක් දෙනෙක්ට තව ටික කාලෙකින් 1080p, 4K.2160p Quality එකේ films, tv series විතරක් Download කරන කාලෙ වැඩි ඈතක නෙවෙයි .. 🙋

                                                

හරිනු සුබසිංහ සහෝදරයාගේ සටහනක් ඇසුරින්.